Бүхэл үрийн гурилтай алимтай маффин

Орц: 12 ш

* 1 стакан бүхэл үрийн гурил (whole wheat flour)
* 1 стакан цагаан гурил
* 1 амттаны халбага хөөлгөгч гурил
* 1 амттаны халбага хүнсний сода
* 1/4 амттаны халбага давс
* 1 амны халбага синнамон
* 1/2 стакан масло, өрөөний темпратурт
* 1/2 стакан нунтаг сахар
* 1/2 стакан бор сахар (dark brown sugar)
* 1 ш том өндөг
* 1 стакан buttermilk эсвэл тараг
* 2 том алим, арилгаад хэрчсэн

Бэлтгэх нь

1. Зуухаа 230 градуст халаана. Хэвнүүдээ маслодоод хуурай гурил цацаж бэлтгэнэ.
2. Гурил, хөөлгөгч нунтаг, хүнсний сода, давс, синнамоноо нэг саванд холино.
3. Өөр нэг саванд маслоо нунтаг сахар мөн 1/4 стакан бор сахартайгаа холиод хөөсөртөл нь хутгана. Өндгөө нэмээд нийцүүлнэ. Таргаа нэмж хутгана. Хэт их хутгавал ээдэх аюултай. 
4. Хуурай орцоо бага багаар нэмээд нийцүүлнэ. Хэрчсэн алимаа нэмнэ.
5. Бэлтгэсэн хэвнүүд рүүгээ зуурмагаа тэнцүү хуваан хийгээд хадгалсан 1/4 стакан бор цахараа дээр нь цацна. 
6. Халаасан зуухандаа хийн 10 минут жигнээд галаа 205 болгож багасгаад дахин 5-10 минут жигнэнэ. Болсон маффингуудаа зуухнаас гаргаад хэвэнд нь 5 минут хөргөөд хэвнээс нь гарган гүйцэд хөргөөд сервислэнэ.

Эх сурвалж