Tuesday 13 May 2008

Тараг





Орц:

* Сүү
* хөрөнгө

Тараг бүрэх:
  1. Тогоотой сүүгээ халаагаад бүлээсэнгүүт 10 л сүүнд 150-200 гр орчим хөрөнгө хийнэ. Хөрөнгө хийхдээ эхлээд бага хэмжээний сүүнд сайн хутгаж нийцүүлсний дараа тогоон дахь сүүндээ хийнэ.
  2. Дараа нь хөрөнгөө самарч дүйцүүлээд сүүгээ халуун бүлээн болмогц тогооноос модон буюу паалантай хувинд юүлж хучна. Тараг хучсанаас хойш 2-4 цагийн дотор бүрэлдэнэ.

Зүүлт:

* Хонь ямаа үхрийн сүүгээр тараг бүрнэ. Хавар анхны таргийг таргийн аарц, ааруулын нунтаг зэргээр хөрөнгөлөн бүрж болох боловч хатааж хадгалсан урд жилийн хур таргаар хөрөнгөлөх нь илүүтэй.
* Тарaгны хөрөнгийг багадуулж хучилтыг муутган сэрүүдүүлбэл муу бүрэлдэж улцайх, ихдүүлж халуудуулбал сагаж шар устана.
*Бүрсэн таргийг халуунаар нь задлахад шар устдаг учир задлахын өмнө хүйтэн газар тавьж хөргөвөл сайн.

2 comments:

Unknown said...

ene receptiig harj bsiim shig bhii :-)

Дашдэмбэрэлийн Aнхзаяа said...

@Ermek магадгүй, би блоггүй байхдаа нэг газраас олж авч хадгалж байсан юм, хаанаас гэдгээ санахгүй байгаа болохоор эх сурвалж дурьдаагүй юм. Хаана харсанаа санавал хэлээрэй, эх сурвалж болгоод дурьдмаар...