Крем бяслаган кремтэй луувантай бялуу (Carrot Cake with Cream Cheese Frosting)

Орц: нэг ш 20-23 см диаметртэй давхар бялуу

Кексэнд:

*4 ш том өндөг, өрөөний темпратурт
* ¼ стакан (60мл) ургамалын тос
* ¾ стакан (180мл) хайлуулсан бор масло эсвэл ургамалын тос
* 1 амттаны халбага ваниллины охь
* 2 стакан (280 гр) гурил
* 2 стакан (400 гр) сахар
* 2 амттаны халбага хөөлгөгч нунтаг (baking soda)
* 1 амттаны халбага синнамон
* чимх нунтаг натме мөн хадаасан цэцэг (nutmeg, cloves)
* 1 амттаны халбааг давс
* 4 стакан (375гр) үрсэн лууван
* 1/2 стакан (60гр) хатаасан шар үзэм

Фростин:

* 450 гр крем бяслаг, өрөөний темпратурт (cream cheese)
* 110 гр масло, өрөөний темпратурт
* 2-3 стакан нунтаг сахар (240-360гр), шигшсэн
* хэдэн дусал ваниллины охь

Бэлтгэх нь:

1. Зуухаа 180 градуст халаана. Хоёр хэвнийхээ ёроолд бөөрөнхийлөн тайрсан тостой цаас дэвсээд хажуу талыг маслодоод гурилдаж бэлтгэнэ.
2. Гурил, сахар, амтлагчууд, хөөлгөгч нунтаг, давсаа шигшиж бэлтгэнэ. Нэг саванд өндгөө хийгээд цахилгаан холигчоор хутгаж цайвал цагаан болж өтгөртөл хутгана. Өндгөө хутгангаа тос, масло, ваниллины охио бага багаар нэмж нийцүүлнэ.
3. Гурилаа өндөгний тосны бэлдмэл рүүгээ нэмж нийцүүлээд эцэст нь үзэм, луувангаа нэмнэ.
4. Зуурмагаа хоёр хэвэндээ хувааж хийгээд халаасан зуухандаа хийн шаргалтаж болтол 30-35 минут шараад гаргаад кремээ түрххээсээ өмнө хөргөнө.
5. Кремээ хийхдээ бяслаг масло хоёроо нийцтэл нь хутгана. Нунтаг сахараа бага багаар нэмээд хөөсөрч гялалзсан өнгөтөй болтол хутгаад ваниллинаа нэмж нийцүүлнэ. Бэлдсэн кремээрээ бялуугаа чимэглээд сервислэхэд бэлэн болно.

Эх сурвалж