Гүзээлзгэнтэй ризотто (strawberry risotto)

Орц: 4 порц

* 3 стакан тахианы тунгалаг шөл
* 1 стакан гүзээлзгэнэ угаагаад ишийг авсан
* 2 амны халбага масло
* 1 стакан будаа (arborio rice)
* 1⁄4 стакан цагаан дарс
* 3⁄4 стакан үрсэн пармежан бяслаг (parmigiano-reggiano)
* давс, перц

Бэлтгэх нь:

1. Тахианы тунгалаг шөлөө буцалгана. Гүзээлзгэнээ нэмээд 30 секунд байлгана. Гүзээлзгэнээ шүүж аваад блендэрдэж нухаш болгоно. Тахианы тунгалаг шөлөө гал дээрээс авна.
2. Томхон хайруулын тавганд маслоо хайлуулна. Будаагаа нэмээд 1 минут байнга хутган хуурна. Дарсаа нэмээд ууршитал нь хуурна. Дарсаа ууршихаар шөлнөөсөө нэг удаад 1⁄2 стаканаар будаа руугаа нэмэн нэмэх бүрдээ шөлийг ширгэтэл хутгаад дахин тал стаканыг нэмнэ. Энэ маягаар бүх шөлийг дуусч будааг болтол 25 орчим минут хуураад ризоттогоо гал дээрээс авна.
3. Гүзээлзгэний нухаш бяслагаа нэмж нийцүүлээд давс перцээр амтлаад таваглаад сервислэнэ.

Эх сурвалж