Хаггис (Haggis)

Орц:

* 1 ш хонины гүзээ
* 1 ш хонины элэг
* 1 ш хонины зүрх
* 1 ш хонины хэл
* 250 гр сэмж, жижиглэн хэрчсэн
* 3 ш дунд зэргийн сонгино, арилгаад жижиглэн хэрчсэн
* 250 гр овъёос
* 1 амттаны халбага давс (kosher salt)
* 1/2 амттаны халбага нунтаг хар перц
* 1 амттаны халбага хатаасан яншуй

Бэлтгэх нь:

1. Хонины гүзээг сайтар угаагаад давстай усанд хонуулна.
2. Элэг, зүрх, хэлийг сайтар угаагаад давстай буцламтай усанд хийн дунд зэргийн гал дээр 2 цаг буцалгана. Болсон зүрх, хэл, элгээ шүүж аваад жижиглэн хэрчинэ.
3. Томхон саванд жижиглэн хэрчсэн элэг, хэл, зүрхээ хийгээд сэмж, сонгино, овъёосоо нэмнэ. Давс, перц, яншуйгаар амтлаад элэг зүрхээ чанасан уснаасаа багахан нэмж нийцүүлнэ.
4. Гүзээгээ хүйтэн уснаас гаргаад элэг, зүрхний шанзаараа 2/3-г дүүргээд амсарыг нь уяж бэлтгэнэ. Бэлэн болсон хаггисаа чанах явцад хагаруулахгүйн тулд сэрээгээр хэд хэд цоолоод буцалж буй халуун усанд хийн таглаад ширүүн гал дээр 3 цаг буцалгана.
5. Ингэж бэлтгэсэн хаггисыг халуун бүлээнээр нь нухсан төмстэй сервислэнэ.