Чийзкэк Cheesecake

Орц:

сууринд:

* нухаж бэлтгэсэн цайны жигнэмэг (элдэв хавчуургагүй)
* 1 амны халбага масло

дотор нь:

* 200гр крем бяслаг
* 2 ширхэг өндөг
* тал стакан сахар
* нэг халбага нимбэгний шүүс
* 3-4 гр ванилин

Бэлтгэх нь:

1. Нухаж бэлтгэсэн жигнэмэгээ 1 амны халбага маслотайгаа холиод cheesecake-ээ жигнэх савныхаа ёроолд жигд тараан байрлуулна.
2. Бяслагаа холигчоор сайтар холин нийцүүлээд дээрээс нь ванилин, нимбэгний шүүс, сахараа нэмнэ.
3. Өндөгөө нэг нэгээр нь хагалан зуурмаг дээрээ хийгээд сайтар хутган нийцүүлнэ.
4. Жигнэмэгээ байрлуулсан савандаа бэлдмэлээ жигд асгаад 160 градуст халаасан зууханд дээд талыг нь шаргалттал 30-40 минут шараад хөргөн (5-6 цаг хөргөгчинд байлгана) хүссэнээрээ чимээд сервислэхэд бэлэн боллоо.