Профетерол (profeterol), эклер

ГУРИЛАНД

Орц:

* 1,5 стакан гурил
* 1/4 цайны халбага давс
* 100 гр масло
* 1,5 стакан ус
* 6 өндөг

Бэлтгэх нь:

1. Усаа буцалгаад маслоо нэмнэ. Масло хайлангуут гурил давсаа нэмнэ.
2. Гал дээрээс аваад бүлээсэхээр нь өндөгөө нэг нэгээр нь нэмнэ. Өндөг тус бүрээ зуурмагтаа сайтар нийцүүлэх хэрэгтэй.
3. Бэлэн болсон зуурмагаа уутанд хийн эсвэл амттаны халбаганы тусламжтайгаар тослож бэлтгэсэн давцан дээр тавина.
4. 210 градуст халаасан зууханд хийн шаргалттал нь шарна. Бэлэн болсон гурилаа зуухнаасаа гаргалгүйгээр зуухаа хөрөхийг хүлээнэ. Шарж байх явцдаа болон дараа нь (зуухаа хөртөл) зуухныхаа хаалгийг битгий онгоолгоорой.
   

КРЕМЭНД

Орц:

* 2,5 стакан сүү
* 2 цайны аяга сахар (цайны аяга=100мл)
* 1 цайны аяга гурил
* 2 амттаны халбага цардуул
* 7 гр ванилин
* 2 өндөгний шар

Бэлтгэх нь:

1. Ванилинааас бусад бүх орцоо холиод өтгөртөл нь буцалгана. Буцлангуут нь плитка унтраана.
2. Нэгэнт өтгөрөн бэлэн болсон кремэндээ ванилинаа нэмнэ. Хөртөл нь байн байн хутгах хэрэгтэй.
   

ШОКОЛАДНЫ СОУСАНД

Орц:

* 500 мл сүү
* 140 гр сахар
* 20 гр цардуул
* 30 гр гурил
* ус (какао, цардуулыг уусгахын тулд маш бага хэмжээтэй)
* 400 гр хар шоколад

Бэлтгэх нь:

1. Сүүн дээрээ сахаараа нэмээд буцалгана.
2. Бага зэрэг усан дээр цардуул, какаогоо нэмээд уусгаад сүүн дээрээ нэмнэ.
3. Эцэст нь шоколадаа жижиглэн нэмээд хайлуулана. Хааяа хааяа хутган хөргөнө.
4. Бэлэн болсон кремээ жигнэж бэлтгэсэн зуурмагныхаа гол руу крем шахдаг уутны тусламжтайгаар шахна. Эсвэл жигнэмэгээ голоор нь зүгээд кремнээсээ хавчуулаад шоколадныхаа соусыг асгана.