Coq au Vin

Oрц:

* 24-30 ш давжаа сонгино (pearl onions)
* тахианы 4 гуя эсвэл 1 бүтэн тахиаг сервислэх хэмжээндээ хувааж бэлтгэнэ
* Давс
* хар перц
* 1/4-1/2 стакан гурил
* 2 амны халбага ус
* 170 гр давсалсан гахайн мах эсвэл bacon (гахайн нурууны махыг утаж нимгэн нимгэн хэрчсэн) дөрвөлжилөн хэрчинэ
* 230 гр мөөг, угаагаад, 4 хувааж бэлтгэсэн
* 1 амны халбага давсгүй масло
* 2 шил (750 мл) улаан дарс, pinot noir байвал сайн
* 2 амны халбага улаан лоолийн паст
* 1 ш дунд зэрэг сонгино, 4 хуваасан
* 2 ш celery, 4 хуваасан
* 2 ш дунд зэргийн лууван, 4 хуваасан
* 3 хумс сармис, бяцалсан
* 6-8 мөчир ганга
* 1 ш лаврын навч
* 2 стакан тахианы тунгалаг шөл

Бэлтгэх нь:

1. Давжаа сонгиныхоо үндсийг тайраад оронд нь хутгаараа "х" зурж бэлтгэнэ. 2-3 стакан ус буцалгаад сонгиноо хийж 1 минут байлгана. Сонгиноо шүүгээд, хөргөөд, арилгана. Ишнээс барин зөөлөн шахахад сонгино маань бүлтрэн гарч ирдэг болсон байна.
2. Тахианыхаа бүх талыг давс, хар перц цацаж амтлана. Амталж бэлтгэсэн тахиагаа бага зэрэг гурилтай гялгар уутанд хийгээд сэгсэрч бүх талыг гурилаар бүрхээд гаргаж ирэн хэрээстэй төмөр дээр байрлуулна.
3. 2 амны халбага усаа том саванд хийгээд гахайны махаа нэмээд усыг ширгэтэл таглаж болгоно. 8-10 минутын дараа гахайн махаа гаргаад гахайн махнаас ялгарсан тосон дээр давжаа сонгиноо нэмээд давс, перцээр амтлан 8-10 минут хэртэй шаргалтал нь шарна. Сонгиноо гаргаад нэг тавган дээр тавина.
4. Тахиагаа нэмээд тал бүрийг нь шаргалттал нь шараад гаргаж авч ширмэн тогоонд шилжүүлнэ.
5. 4 хувааж бэлтгэсэн мөөгөө 1 амны халбага маслонд ойролцоогоор 5 минут хуурна. Өрөөний темпратурт болж хөрсөн сонгино, мөөг, гахайн махаа хэрэглэтлээ агаар оруулдаггүй саванд хийгээд хөргөгчинд хийж хадгална.
6. Үлдсэн тосыг асгаад тогооны доор наалдсан бор дээр 1 стакан дарс хийж deglaze (тогооны дор наалдсан бүх борыг дарсаараа цэвэрлэх) хийнэ.
7. Дарсаа (deglaze хийж бэлтгэсэн дарсаа бас нэмнэ) тахианыхаа хамтаар ширмэн тогоондоо хийгээд сонгино, тахианы тунгалаг шөл, паст, лууван, сармис, ганга, celery, лаврын навчаа нэмнэ. Таглаад хөргөгчинг хийж хонуулна.
8. Маргааш нь зуухаа 160 градуст халаагаад тахиагаа зуухандаа хийн 2-2 1/2 цаг буцалгана.
9. Тахиагаа болохоор нь шүүж аваад халуунд тэсвэртэй саванд хийн таглаад халууныг нь барихын тулд буцаааж зуухандаа хийнэ.
10. Шөлөө шүүж ногоонуудыг ялгаад тунгалаг шөлөө буцаад тогоондоо хийн дунд зэргийг гал дээр тавин 1/3 болтол нь ширгээнэ. Анх хэр хэмжээний шөл байснаасаа хамааран 20-45 минут болно.
11. Ширгээж бэлтгэж буй соус маань өтгөрөгөөр давжаа сонгино, мөөг, гахайн махаа нэмээд 15 минут буцалгана. Амсаад хэрэгтэй гэж үзвэл амтлагч нэмнэ.
12. Тахиагаа нэмээд таваглаж сервислэнэ.