Жигнэсэн дун (mussel)

Орц:

* 3 амны халбага чидун жимсний тос
* 2 амны халбага нухсан сармис
* 1 том leek, угаагаад, арилгааж хэрчиж бэлтгэнэ
* 1 улаан лооль, угаагаад үрийг нь гаргаад, хэрчиж бэлтгэнэ
* 1 1/2 стакан цагаан дарс
* дун
* давс
* яншуй

Бэлтгэх нь:

1. Чидуны тос, сармис, leek-ээ хайруулын тавгандаа хийж зөөлөн гал дээр тавина. 1 чимх давс нэмнэ. Зөөлөртөл нь зөөлөн гал дээр байлгана.
2. Зөөлөрсөн leek-н дээрээ улаан лоолио нэмнэ.Дарсаа нэмнэ. Галаа нэмээд буцалгана.
3. Жигнүүрэн дээр тавиж бэлтгэсэн дунгаа дээр нь тавиж 3 минутын турш жигнэнэ.
4. 3 минутын эцэст дунгаа гаргаж ирэхэд бүх дун маань ангайсан байна. Ангаагаагүй байвал таглаад дахиад 30 секунд жигнэх хэрэгтэй. 30 секундын дараа ангаагаагүй дун байвал авч хаях хэрэгтэй.
5. Жигнэсэн шүүсэндээ 10 орчим дунгийн махыг хийгээд блендэрдэж жигнэсэн дун дээрээ асгаад хэрчсэн яншуй цацаж талхтай сервислэнэ.
   

Зүүлт

* Дунг жигнэхдээ ган сав хэрэглэвэл зохимжтой.
* Дунгаа авсан даруйдаа хэрэглэхгүй бол амьдаар нь хадгалах чухал бөгөөд
хөргөгчинд
ус нэмэлгүйгээр
чийгтэй (норгосон салфетка дээр нь тавина.)
хүйтэн (гялгар уутанд мөс хийж дээр нь тавина, мөсөө өдөр бүр солино.) орчинд хадгалбал дунгууд 7 хоног гаруй амьд байна.