Галбижим (갈비찜)

Орц:

* 1 кг орчим үхрийн хавирга, 3-4 хуваасан
* 5-6 ш шитакий мөөг (shiitake mushrooms), 4-6 цаг усанд дэвтээж бэлтгэсэн
* ус
* 8 хумс сармис
* 1 амны халбага бор сахар
* ½ амттаны халбага хар перц
* сожу эсвэл будааны дарс
* 2 ш ногоон сонгино
* тал сонгино
* 2 ш лууван
* 1-2 амны халбага гүнжидийн үр болон тос (sesame)
* 2 амны халбага эрдэнэшишийн сироп (corn syrup)
* 2 ш редиск (улаан лууван)

Бэлтгэх нь:

1. Жижиглэн хуваасан хавиргаа нэг нэгээр нь салгаад, дагасан махыг 1-2 зүсч (хөндлөн буюу яснаас нь салгалгүйгээр) бэлтгэнэ. Хүйтэн усанд хийн 30 минут орчим байлгана, угаана.
2. Томхон саванд хавиргануудаа хийн давахуйц хэмжээтэй халуун ус нэмж 5-10 минут буцалгана. Энэхүү үйлдэл нь илүүдэл өөх тосноос салгах, багасгах зорилготой.
3. Хавиргаа шүүж аваад хавирга чанасан усаа асгана. Хүйтэн усаар чанасан хавиргаа угаана.
4. Хавиргаа угааж цэвэрлэсэн томхон савандаа байрлуулаад өөр нэгэн саванд холиж бэлтгэсэн 2 стакан ус, 4 амны халбага цуу, 8 хумс сармис, тал сонгино, хэрчсэн, 1 амны халбага будааны дарс, 1 амны халбага бор сахарын уусмалаа нэмнэ.
5. Дунд зэргийн гал дээр 20 минут орчим буцалгана.
6. Буцлах явцад ногоогоо хэрчиж бэлтгэнэ. 2 ш лууван, 2 ш том редискээ (улаан лууван) 5 см орчим куб болгон хэрчээд, ирмэгийг хутгаар авч ширээний теннисний бөмбөг дайны бөмбөлөг болгоно.
7. Усанд дэвтээж бэлтгэсэн мөөгөө угаагаад байт сайз (bite size) буюу аманд багтахуйц болгож хэрчинэ.
8. 20 минут орчим буцалсан махаа/ясаа онгойлгоод хэрчиж бэлтгэсэн мөөг, бөмбөлөг болгож бэлтгэсэн 2 төрлийн луувангаа нэмнэ. Галаа зөөллөөд 1 цаг орчим буцалгана. Буцалгах явцдаа хааяа хааяа модон халбагаар хутгаж, доороо тунасан шүүсийг дээш нь гарган махан дээгүүр асгана.
9. 1 цаг орчимын дараа махаа болсон эсэхийг шалгаад болсон бол 2 амны халбага эрдэнэшишин сироп, 1 амны халбага sesame тос, ½ амттаны халбага хар перц нэмээд галаа нэмж шүүсийг ууршиж, мах ногоог гялалзсан болтол хутган буцалгана.
10. Бэлэн болсон галбижимээ ногоон сонгино, sesame үрээр чимэглээд таваглаад сервислэнэ.