Monday 22 December 2008

Сахарлаж хатаасан жүржийн (нимбэгний) хальс (Candied Orange (Citrus) Peel)


Орц:

* 4 ш жүржийн хальс
* 3 стакан сахар
* 1 стакан ус

* 1 стакан сахар
* 225 гр шоколад

Бэлтгэх нь:

  1. Жүржийнхаа хальсыг бэлтгэнэ.* Голоор нь зүсээд шүүсийг нь шахаад тал бүрийг 2 нийт 4 болгож хуваагаад дотор нь үлдсэн хальс, зөөлөн эдийг халбагадан авч хаяна эсвэл ** Дээд болон доод хэсгийг зүсч хаяна. Жүржээ тавцан дээр байрлуулж байгаад зөөлөн эдэд хүрэлгүйгээр 4 эсвэл 6 ш өнгөн зүсэлт (зөвхөн хальсыг зүснэ.) хийнэ. Дараа халбагаа хальс зөөлөн эдийн хоорондуул оруулад хальсыг хуулж авна. Заавал халбага гэлтгүй гараараа хуулж болно.
  2. Хальсаа уртааш нь тавцан дээр тавиад 0.6 см орчим өргөнтэй савхан хэлбэртэй хэрчиж бэлтгэнэ.
  3. Томхон сав халаагаан жүржийн хальсаа нэмнэ. Хүйтэн ус нэмээд буцалгана. Буцлангуут илүдэл усыг асгаад дахин ус нэмж буцалгаад , буцлангуут усыг асгана. Энэхүү үйлдэлийн дахин нэг нийт 3 давтана.
  4. Усаа сахартайгаа холиод сахар хайлтал халаана. Жүржний хальсаа нэмээд хальсыг тунгалаг болж, сахарын уусмалыг ширгэтэл зөөлөн гал дээр 30 минут орчим буцалгана. Жүржийн хальсаа шүүж аваад хатаана. Нэгэнт хатсан (хатаахын тулд 2 орчим хоног хэрэгтэй.) сахарт өнхрүүлээд, эсвэл хайлуулсан шоколаданд дүрээд хэрээсэн тавцан дээр өрж тавин хатаана.

No comments: