Яргай загасны ороомог

Орц:

* 2 ш яргай загасны цул мах (fillet salmon)
* 3 ш халпинь загасны цул мах (fillet flounder)
* 8 ш хясааны мах (scallop)
* Канола тос
* 1 амны халбага гоньд
* 1 амны халбага яншуй
* давс
* хар перц

Бэлтгэх нь:

1. Тостой цаасан дээр гялгар уут дэвсэж бэлтгэнэ.
2. Яргай загасны цул махаа зэрэгцүүлэн тавина. Халпинь загасны цул мах давхарлан тавина. Доороос бага зэрэг яргай загас цухуйж байхаар.
3. Хясааны махаа шорлоод халпинь загасны үзүүрт байрлуулна. Хэрчиж хольсон яншуй, гонидоо загасан дээрээ тарааж цацна. Давс, перцээр амтлана.
4. Доорх гялгар уутыг халпинь загасан дээр тависан хясааны махны хамтаар ороож эхлэнэ. Энэхүү үйлдлийн суши-г хулсаар ороож байгаа юм шиг үйлдэх хэрэгтэй. Уутыг зөвхөн ороох багаж болгон ашиглана.
5. Ороож дуусаад доор нь тависан тостой цаасандаа ороон хөргөгчинд хийж 1 цаг байлгана.
6. Гаргаж ирээд цаастай нь 2 см хэрийн зузаантай хэрчин, бэлтгэсэн хэрээсэн төмөр/тавцан дээр өрж тавиад гадуур нь ороосон цаасыг авна. Тавцан дээр тавьсаны дараа цаасыг авсанаар загасны ороомог маань задрахгүй.
7. Ороомог бүрийг багсны тусламжтайгаар канола тосоор тослоод хүсвэл давс нэмж цацаад, тавцангаа халаагчнаасаа 15 орчим см зайтайд тавиад 3-5 минут жигнэнэ (broil).
8. Ингэж бэлтгэсэн загасны ороомгийг амталсан масло (herb butter) эсвэл vinaigrette-тэй сервислэхэд зохимжтой.
   

Амталсан масло

Орц:

* 115 гр масло, өрөөний темпратурт
* 1 амны халбага хатаасан яншуй
* 1/4 амттаны халбага давс
* 1/4 амттаны халбага хар перц

Бэлтгэх нь:

1. бүх орцоо холиод модон халбагаар нийцтэл нь хутгана.
2. Тоостой цаасан дээр тавин ороогоод буцааж царцааахын тулд 10 минут хөлдөөгчинд байлгана.
   

Бэлтгэх явцыг "Good Eats" цувралын "Fit To Be Tied" хэсгээс үзэж болно.