Шоколадтай, какаотой топкэк

Орц: (18 ш)

* 2,5 стакан гурил
* 1 стакан сүү
* 6 амны халбага какао
* 1/2 цайны халбага давс
* 1,5 стакан шоколад
* 125 гр масло
* 1/2 стакан бор сахар
* 1/2 стакан цагаан сахар
* 3 ш өндөг
* 2 амттаны халбага хөөлгөгч нунтаг
* 10 гр ваниллин


Бэлтгэх нь:

1. Сахарнаас бусад бүх хуурай орц+жижиглэн хэрчсэн шоколадаа нэг саванд холино.
2. Маслоо зөөлөртөл ойролцоогоор 5 минут хутгана.
3. Масло дээрээ сахараа нэмээд дахин 2-3 минут хутгана.
4. Өндгөө нэмнэ. Нийцтэл хутгана.
5. Өөр нэг саванд холисон хуурай орцуудаа бага багаар нэмнэ.
6. Эцэст нь сүүгээ нэмээд нийцтэл нь сайтар хутгана.
7. Тослож бэлтгэсэн microwave safe хэвэндээ хийгээд 600 watt-д 3 минут жигнэнэ. Зууханд жигнэх бол 180 градуст халаасан зууханд болтол нь (ойролцоогоор 20 минут) жигнэнэ.
   

Зүүлт

* Маслоны оронд маргарин хэрэглэж болно. Эсвэл холиж хэрэглэж болно.
* Дан бор эсвэл дан цагаан сахар хэрэглэж болно. Дан цагаан хэрэглэбэл чихэрлэг, дан бор хэрэглэвэл чихэр багатай болно.