Cajeta

Орц:

* 8 стакан ямааны сүү
* 2 стакан сахар
* 1 гожгор синнамон
* 1 амны халбага ваниллины охь
* 1 амттаны халбага хүнсний сода

Бэлтгэх нь:

1. Сүү сахараа холиод халаана. Синнамон, ваниллинаа нэмнэ. 15 минут хутгаж буцалгана.
2. Сүүгээ хөөрөнгүүт гал дээрээс аваад жоохон усанд уусгасан содагаа нэмнэ. Хутгах зуураа содагаа нэмэхгүй бол давж магадгүй шүү.
3. Буцаагаад гал дээр байрлуулаад галаа зөөллөнө.
4. Ойролцоогоор цагийн дараа сүү маань алтан шаргал болж эхлэнэ. Энэ үед синнамоноо гаргаж авна.
5. Хутгаж буй халбаганы тань ар талд наалдахуйц, гялалзсан бор болтол нь байнга хутгаж буцалгана.
6. Шилэн саванд хийгээд хөргөгчинд хийж хадгална.
   

Зүүлт

* Cajeta маань хөрөхөөрөө өтгөрдөг. Хэт өтгөрсөн Cajeta-г халуун усаар шингэлэн хэрэглэж болно.
* Түлэгдэх (доороо наалдах) гээд байдаг учираас байнга хутгаж буцалгах хэрэгтэй.
* Бялуу, чийзкек чимэх, зайрмаган дээр асгах гээд олон янзаар хэрэглэж болно. Бялуу, чийзкек байхгүй бол талхан дээр түрхээд идээрэй:)